Aghjugna à u vostru librettu di strada

Lina VENTURI-PIERETTI

Domaine PIERETTI

Vini AOP Corse-Côteaux du Cap-Corse è Muscatu AOP di u Capicorsu

Accolta : D’aprili à uttrovi

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Santa Severa
20228 Luri
  04.95.35.01.03 |   06.17.93.92.17
  contact@domainepieretti.fr |   www.vinpieretti.com

Sta brama di dà è di sparta – qualità di cori di u babbu, parsunaghju ricunnisciutu è rispittatu da tutti i vignaghjoli corsi – hè stata di sicuru a lascita a più priziosa chì Lina Venturi Pieretti hà ricivutu in a so vita. Ma hè stata d’istatina di u 1989, quandu i fochi faciani tanti disguasti in Corsica, ch’edda si ritruvò senza aspittassila à u capu di u duminiu di a famiglia.

Risuluta, curaghjosa, Lina hà sappiutu cun rigori è travagliu ristrutturà l’impresa è duvintà una di i vignaghjoli i più capaci di Corsica. Capu d’impresa pienu d’energia, participeghja à l’amministrazioni di l’associ UVA Corsa, A Fiera di u Vinu è ùn smetti di prumova i vini isulani.

Circundati da a machja, i so vigni sò posti nantu à i costi di Capicorsu à Livanti è si stracquani sin’à u mari. Sti tarri matticciosi d’eccezzioni portani à i vini, bianchi è muscateddi in particulari finezza è mineralità.

U duminiu Pieretti pruduci oghji 50 000 buttigli à l’annu.

I so vini – bianchi, chjarasgini, rossi è muscateddi – sò regularmenti distinti in diversi cuncorsi internaziunali : Concours Général Agricole, Vinalies… U muscatu, i bianchi è i chjarasgini è in particulari i tinillati « marini », i rossi fatti à partasi di u vechju uvizami capicursinu « Alicante », vicinu à u Grenache neru, sò tutti oghji ricunnisciuti è apprizzati in l’isula sana è in i risturanti i più famosi di u Cuntinenti.

Posta à a surtita nordu di Santa Severa, a cantina Pieretti vi ricevi à bracci aparti par favvi tastà i diversi vini di u duminiu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).