Aghjugna à u vostru librettu di strada

Marie-Hélène BOUBAY et Claudine INZAINA

GAEC SAINT HUBERT

Vini AOP Corsica è IGP Ile de Beauté- Casi campagnoli

Accolta : Da uttrovi à maghju, u sabbatu 3 ori-7 ori di sera / da ghjugnu à sittembri, da u luni à u sabbatu 4ori-7ori di sera.

I tarritorii : Corsica Livantina

I catigurii : I toli & stanzi d’ospiti, ustarii agriculi & alloghji campagnoli, I vini

I pruduzzioni agriculi : I Vini di Corsica

Lieu-dit Stangone, Cavone - Route de Cavone
20240 Ventiseri
  06 09 54 61 90 / 06 19 38 10 72
  gaec-sthubert@wanadoo.fr

Ziteddi, Marie-Hélène è Claudine ghjucavani ind’i vigni di u duminiu. Un vignetu chì ùn asistia in 1965, è chì Hubert, u babbu, hà elaburatu cù pacenzia, duranti quasgiu 13 anni, cù a sola forza di i so mani, è ind’u rispettu di i tradizioni antichi.

Più tardi i sureddi Dubuche è a so mamma, Yvette, l’aiutani ind’ i travaglii d’ogni ghjornu di u vignaghjolu. Hè Yvette chì ripigliarà a splutazioni in 1978, dopu à a morti accidintali di u so maritu. « Duranti 12 anni, a nostra mamma hà sappiutu tena bonu com’è lu si dici, ci spiega Claudine, a minori. Quandu ùn hè più stata capaci d’incaricà si sola di a gistioni di u duminiu, ùn emi tricatu tantu pà piantà i nostri studii supiriori è piglià a rileva. Un affari evidenti, aghjusta Marie-Hélène. Un’ era mancu à pena accitevuli d’abbandunà a lascita paterna. » In 1990, i ghjovani donni pigliani a dicisioni di crià à u locu un laburatoriu di vinificazioni. Ancu di grazia, sò aiutati da i mariti, ben disposti, astuti è prufissiunali ! « Gérald  hè figliolu di viticultori, è u maritu di Claudine, agricultori. Un’ pudiami micca essa inturniati megliu ! » dici ridendu Marie-Hélène.

Insemi, a squadra elabureghja vini in AOP, vini di paesi, è apperitivi. Sempri ind’u filu di l’opara di a mamma, Claudine hà sviluppatu à parta da 1986 una cullizzioni d’aceti cù sapori urighjinali com’è aceti arumatizati à l’agliu o à a cicculata ! Da u so cantu, Marie-Hélène faci cocia cunfitturi cù i frutti di l’ortu.

Cusì, u Domaine Saint-Hubert hè sempri in bollari !
 

‹‹ Ritornu