Aghjugna à u vostru librettu di strada

Ange POLI

Domaine de Piana

Vini AOP Corsica - Prudutti di a righjoni

Accolta : Tutta l’annata

I tarritorii : Corsica Livantina

I catigurii : I vini

I pruduzzioni agriculi : I Vini di Corsica

Bravone - RN 198
20230 Linguizzetta
  04 95 38 86 38 |   06 19 42 54 91
  domaine.de.piana@wanadoo.fr |   www.domainedepiana.fr

Ange Poli hà passatu a so vita in cori d’una piccula splutazioni famigliali. Nantu à i tracci di u so babbu vignaghjolu, Ange stalla a so propria splutazioni nantu à a Costa Urientali à a fini di l’anni 1960  è si spicializeghja uni pochi d’anni dopu ind’a cultura di l’agrumi è di i chivì. Subitu, u so rollu ind’i cantini cuuperativi li pari troppu limitatu : vò divintà eddu stessu vignaghjolu, cù un’idea sola : crià a so buttiglia propia.

« Quand’ellu si travaglia dipoi tanti anni ind’ì l’agricultura, ci hè una vulintà di dà nascita à un pruduttu chì li rendi umaghju.»

S’hà da prisintà st’uppurtunità cù u ritornu, in 1990, di i so dui figlioli, Éric è Antoine. Insemi ani da vinificà a so racolta è pruducia, sei anni dopu, a prima tinazzata Domaine de Piana. Una bedda riescita ch’Eric spiega par via di a fideltà di u babbu à sta tarra : « Ci hè quidda cunniscenza particulari di a natura ch’ani i nostri antichi. U sensu è u sennu … Si ghjovani sempri di i staghjoni, par un dettu. Tanti cosi chì ci tocca à amparà ! »  dici cù cunfidenza.

St’amori di u rughjoni hè assuciatu à una vera indiatura pulitica. Prisidenti di a Camara d’Agricultura di Cismonti duranti 12 anni, sindicalistu di sempri, Ange hà cunsacratu a so vita sana à difenda a prufissioni. È oghji, hè rispunsevuli d’una pruduzzioni chì hè stesa à nantu à 100 ettari ! Una tinacità ch’eddu ci tocca à tutti à amparà !
 

‹‹ Ritornu