Aghjugna à u vostru librettu di strada

Roger POUYAU

Domaine du Mont Saint-Jean

Vini AOP è IGP- Prudutti di a righjoni

Accolta : Tutta l'annata nantu à appuntamentu / 8ori-5ori di sera di lugliu è d’aostu

I tarritorii : Corsica Livantina

I catigurii : I vini

I pruduzzioni agriculi : I Vini di Corsica

Domaine du Mont St Jean - U campu a u quarciu
20270 Antisanti
  04 95 57 13 21 |   06 14 23 44 21
  montstjean@wanadoo.fr |   www.vinscorses.com

U Domaine du Mont Saint-Jean si stendi u longu di i mizanii d’Antisanti, paisucciu di a micrurighjoni di Rogna Indà. U vignetu maiò di 115 ettari, in cori di machja, hè a fiertà di a famiglia Pouyau.

Arradicatu bè in issa tarra chì li teni à cori, Roger, u patriarca - vignaghjolu di a quinta ghjinirazioni di i Pouyau ! – faci issu travagliu dipoi u 1977. Com’è i so antichi, Roger ùn hà pussutu risista à a chjama di a tarra. « Quandu una tradizioni famigliali simuli dura nantu à parechji seculi, hè impussibuli di vulè schivà u so distinu ! E’ omu si ci ciotta cù piacè ! Di sicuru chì devi essa scritta in i nostri geni !»

Roger abbanduneghja dunqua u so mistieru d’otticu praticatu in Parighji, po in Nizza. Dopu avutu u so Brivettu di Tecnicianu in viticultura-enulugia, Roger faci rivena vechji uvizzi scurdati com’è l'Aleatico. U duminiu pruduci oghji vini d’appillazioni d’Orighjini Prutetta (AOP) è vini di u Pays de l'Ile de Beauté (IGP). A missa in buttiglia è u cundiziunamentu  ind’i cantini sò fatti dipoi sempri, è quissa ind’u rispettu di i tecnichi antichi. 

« Oghji ghjornu ancu s’è no t’avemi mezi tecnichi muderni, ci tocca à cunsirvà metudi tradiziunali di vinificazioni. Sò i nostri antenati chì ci ani trasmissu issu patrimoniu. » Roger pugna di cunsirvà lu è s’arremba à scritti antichi d’enulugia. Una passioni trasmissa à a so figliola Julia, a sesta ghjinirazioni !

 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).
‹‹ Ritornu