Aghjugna à u vostru librettu di strada

Pierre-François DE BERNARDI

Clos De Bernardi

I tarritorii : Nebbiu - Capi Corsu

I catigurii : I vini

~Da zitellu dava una manu, Pierre-François de Bernardi, in tempi di vindemie è, à a cantina di a famiglia, aiutava per a vendita.  È po, à sei anni, sbirba di l'isula da stabilisce si in Marseglia.  Dopu fattu studii di cummerciu chì li permettenu di viaghjà per l'Auropa sana, muta via è, per via di a so moglia, principia à fà da vignaghjolu in u Var. « A zia di Marion, Régine Sumeire, mi hà cunfidatu a gestione di u duminiu viticulu », dice Pierre-François.

Hè cusì ch'ellu mette à rigirà u Château de la Tour l’Évêque in u 2019, un duminiu di 83 ettare chì si trova in Pierrefeu-du-Var. Decide, à 33 anni, di ripiglià a vigna famigliale in Patrimoniu.  Oghje chì ghjè oghje, raprisenta Pierre-François a quarta genrerazione è si stende u duminiu à nantu à sette ettare è più. 

« I mio zii, Jean-Paul è Jean-Laurent de Bernardi, anu sempre travagliatu in u quadru di un'agricultura biulogica, aghjusta u giovanu agricultore. Ùn adupravanu nè erbicidii, nè assuvatoghji, è ùn aghjustavanu micca prudutti mentre e vinificazione ».

Affiancatu da u so cuginu, Anthony Ceccaldi, spera Pierre-François ch'ella li sarà cuncessa a certificazione Demeter in biudinamia per u millesimu 2020. 

Hè propriu risulutu à dà capu à a qualità di i vini di u vignetu de Bernardi.  Cù u prugettu soiu di una cantina nova posta à mezu à a vigna, hè sicuru di sbuccà ci !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu