Aghjugna à u vostru librettu di strada

Josette LUCCIARDI

Clos LUCCIARDI

Vini AOP Corsica

I tarritorii : Corsica Livantina

I catigurii : In ghjiru à l’alivu è u castagnu, I vini

I pruduzzioni agriculi : I Vini di Corsica, Oliu di Corsica

Cultivà a vigna, ùn paria quistu u distinu di Josette. In u 2004 hè direttrici di una casa di ritirati in Bastia. Ma Josette risenti u bisognu di cambià di vita. Quandu ampara chì l’agricultori chì gestisci a pruprietà di u so maritu pianta a so attività, dicidi di piglià edda  u cumandu di u duminiu. Piglia un cirtificatu in enulugia è in viticultura è i risultati veneni prestu. I so primi vini – bianchi è rossi – nasceni in u 2005, po Josette cerca a durata fendu a so buttiglia. Oghji hè fiera di a so tinellata nova Signora Catalina.

« Prima, sò stata mutivata chì vulia scopra un mondu scunnisciutu, o pocu mancaia. Una scumissa nova par accumpagnà a leia forti ch’e risentu par a tarra, a vulia metta in valori di a più bedda manera : fà u vinu bonu ! »

È ùn si voli arristà in cusì bona strada. Sò stati posti alivi nantu à a so pruprietà in u 1960. Parchì ùn sfruttalli micca è fà rinascia una tradizioni antica ?  « Ci voli à circà i pussibilità prisenti in a natura, sempri cù u rispettu di a tarra. Hè st’armunia trà u rispettu è u travagliu chì mi dà fiatu. »

Ghjunta à casu in u mondu di u vinu, à Josette Lucciardi ùn l’incresci a so scelta. Ci hè nata una passioni è conta di spartala cun tanti. Certi poni pinsà ch’eddu hè u fruttu di a furtuna, l’altri pinsarani ch’eddu hè u so distinu.
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu