Aghjugna à u vostru librettu di strada

Jacques et Eloïse BIANCHETTI

CLOS CAPITORO

Vini AOP d'Aiacciu

Accolta : Tuttu l’annu.

I tarritorii : Sartinesi Valincu Taravu

I catigurii : I vini

I pruduzzioni agriculi : I Vini di Corsica

S'ellu ci vulia à sceglie una parolla sola per definisce u chjosu Capitoro, serebbe di sicuru a “trasmessa”. Prima, a trasmessa d'una terra in core à a valle di u Prunelli è cultivata da a famiglia Bianchetti dapoi u XIXu seculu ; a trasmessa, dinù, di u rispettu di sta terra da ch'ella cuntinuessi à rigalà i so più belli frutti à e generazione à vene, senza pate i malanni di u tempu è di l'urbanisazione à buzeffa ; a trasmessa, in fine, d'un amore di u vinu chì permettisi à u Chjosu Capitoro di mantene u so gradu inde u paisaghju viticulu isulanu dapoi u 1856.

Nant'à a fine di sta catena di trasmessa, ritruvemu oghje à Eloise Bianchetti chì direge oghje u duminiu cù un mischju sapiente di dulcezza è di determinazione. “Sò ingrandata nant'à u duminiu è aghju sempre vistu u mo babbu fà u vinu. Tandu, mi hè parsa propiu naturale di seguità una furmazione inde a viticultura è l'enologia inde a regione d'Avignon, nanzu di rifinì a mo furmazione d'enologia inde u circondu Bordulese”, spieca issa donna, chì seguiteghja : “nanzu di vultà à travaglià nant'à u duminiu, aghju avutu una prima sperienza prufeziunale in Burgogna.

Quandu sò vultata, ùn si hè micca posta a quistione di a transizione. M'hà dettu u mo babbu : “sì furmata, avà tocca à tè !”. S'accorghje tandu a giovana vignaghjola di a rispunsabilità chì ghjè soia è di a furtuna di pudè cuntà nant'à a cunfidenza di u so babbu. “Ogni ghjornu, u mo babbu hè nant'à u duminiu, seguiteghja a so passione per a meccanica è mi dà sempre i cunsigli per a vinificazione. Hè a memoria di u duminiu è mi permette di francà mi di certi sbaglii chì mi facenu vince tempu. Per u restu, mi lascia libera di fà e mo scelte è di l'urientazione ch'o vogliu dà à i nostri vini”.

Hà rimessu tandu à i tempi d'oghje Eloise Bianchetti e tecniche di vindemie à l'usu anticu per prupone tinate nove chì s'assumiglianu à ella, dolce è elegante. Augureghja torna belli ghjorni per stu famosu vignetu di u circondu aiaccinu l'esigenza di qualità è di rispettu di u pruduttu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu