Aghjugna à u vostru librettu di strada

Sébastien POLY

DOMAINE STILICCIONU

Vini AB - AOP Aiacciu

Accolta : Tuttu l'annu, pigliendu un appuntamentu.

I tarritorii : Sartinesi Valincu Taravu

I catigurii : I vini

I pruduzzioni agriculi : I Vini di Corsica

route de Pratavone - D757
20123 Cognocoli Monticchi
  06.67.22.86.25.
  domaine-u-stiliccionu@orange.fr

Ùn serà forse micca frà i duminii i più cunnisciuti di Corsica ma salutanu tutti l'iniziati, i cantinari o i gran'cucinari, a qualità di prima trinca di i vini di u duminiu Stiliccionu è cercanu à buscà si a pruduzzione di Sébastien Poly-Casabianca.

Andemu à scuntrà issu vinaghjolu esigente chì face i so vini cù finezza è discrezione. Ùn hè micca Sébastien Poly-Casabianca l'eredu di un gran'duminiu viticulu di rinumata trafatta. "U mo caccaru era cunduttore di travagli è avia piantatu i dui o trè ettari di vigna ch'aghju avutu in lascita per fà u so vinu è vende lu à qualchì abituatu di u rughjone". Dopu à una furmazione in Cahors, rileva Sébastien in u 2006 a sfida di fà di un duminiu Stiliccionu una riferenza inde a viticultura isulana. "Da u principiu aghju sappiutu chì generu di vinu vulia fà, tenendu contu di e terre ch'elli m'avianu lasciatu è di ciò ch'ella mi rigalava a natura." Custì ùn ci sò ranghi di vigna puliti è diritti ma l'erbacce è i fiori salvatichi à mezu à i ceppi.

"Per esse unestu, mi tocca à dì chì à u principiu era l'assenza di manu d'opera chì m'impedia di caccià l'erba, ma longu à l'anni mi sò avvistu chì lascendu fà a natura, s'era messu in ballu un ecusistema senza fà cuncurrenza à a vigna. À u cuntrariu, a risparmia stu cupertu vegetale di u cotru d'invernu è di u calore di statina. Fendu stu custattu, vole andà ancu più luntanu u giovanu vinaghjolu : "Cercu à ingrandà pianu pianu u duminiu creendu particelle, frà e quale certe sò in agrofuresteria. Sò dinù impegnatu inde un prugramma di ricerca induve cullabureghju cù i scentifichi per studià di modu più precisu e mo culture, in particulare cù a tecnica di cristallisazione sensibule. Tandu facciu tinate uniche à parte da qualchì calzu selezziunatu cù sapiezza.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).