Aghjugna à u vostru librettu di strada

Gérard LAURENTI - GHERARDI

Meli AOP

Accolta : Tutta l'annata, nantu à appuntamentu

I tarritorii : Nebbiu - Capi Corsu

I catigurii : I meli

I pruduzzioni agriculi : I Meli di Corsica

Gérard hà sempri sappiutu ch’eddu avia da travaglià a tarra. I so minnanni è missiavi erani agricultori in A Parata, in Castagniccia. Tandu i tempi erani pinibuli. U fattu si stà chì quandu Gérard palesa a so brama d’essa pastori, a so famiglia ricusa issa vita strazievuli.

Rassignatu, suvita una furmazioni in Marseglia è diventa marinaru à 25 anni. U scontru cù  Nathalie, in 2004 mentri una travirsata, li faci cambià strada. A passaghjera volta in Marseglia cù u cori strintu. A discursata si faci in ghjiru à a brama cumuna di vultà pà sempri in Corsica, di campà « in paesi ». Cù l’agricultura com’è scopu. Chì furtuna ! Nanzu d’essa funziunaria, Nathalie hà suvitatu corsi à U Borgu in u 1994, ind’a sizzioni di l’urtaglia ! Nathalie incuraghjisci in issa strada quiddu chì divintarà u so maritu. In 2011, Gérard si stalla com’è ghjovanu agricultori. Era ora !

« A me passioni pà l’abi mi porta di sicuru ver’ di l’apicultura –  ancu sè ùn sò micca un amatori di meli ! Oghji t’avemi i nostri 6 ettari ind’u Marzulinu ! ».

125 bugni impiaghjarani oramai ind’a righjoni aspittendu a nova stallazioni di a milaria. À senta à Gérard cuntà u travagliu di i so uparaghji, o Nathalie discriva i fiori salvatichi nustrali, u visitatori si metti à sunnià « U più ch’è no semi fieri hè st’arradichera à a nostra tarra. Ci vò à difenda la. Tena a so sputichezza. » Una vita simplici, bedda.
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu