Aghjugna à u vostru librettu di strada

Michel ARTILY

Meli AOP

Accolta : Tutta l'annata.

I tarritorii : Dui Sevi-Dui Sorru - Cruzini - Cinarca

I catigurii : I meli

I pruduzzioni agriculi : I Meli di Corsica

À principiu ci hè una vuluntà, quilla di campà in paesi è cusì cuntinuvà à fà lu campà. « À a fini di l’anni sittanta, in piena epica di Riacquistu, circavu un mezu di stà in Murzu è di campà ci l’annata sana », spiega Michele Artily. Ind’un primu tempu, scigliarà l’allevu purcinu è a salameria.

« Emi cuminciatu cù un’attività mudesta, ma vistu l’intaressu di a pupulazioni pà a nostra pruduzzioni, emi crisciutu l’attività è pruduttu ancu di più. Quì era guasgiu divintata un’usina, è a salameria sola accupava tuttu u locu è u me tempu » cunfidi Michele. U macellaru dubbiteghja tandu di a so vulintà di cuntinuvà in stu sensu è rifletti à un cambiamentu d’attività agricula. « Aghju sempri avutu qualchì bugnu è pruduttu meli ma hè a salameria chì mi facia campà. »

Allora Michele cambia strada, rimpiazza animaloni da animalucci è cusì diventa à veru apicultori. « L’apicultura mi parmetti d’essa in armunia cù a natura di u circondu, è in più mi parmetti di fà u meli nicissariu pà i prudutti cusmetichi di me moglia, cusì participeghju ancu eiu à a so attività. »

*Riacquistu : muvimentu suciali è culturali di l’anni sittanta in Corsica cù un scopu di rimpatruniscimentu di a lingua è di a cultura corsa è di i sapè fà lucali anzi tuttu ind’u mezu campagnolu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu