Aghjugna à u vostru librettu di strada

Alain SCOPELLITI

Miellerie E Cabanelle

Accolta : Tuttu l’annu pigliendu appuntamentu

I tarritorii : Nebbiu - Capi Corsu

I catigurii : I meli

I pruduzzioni agriculi : I Meli di Corsica

Figliulinu è figliolu d’apicultori di a Castagniccia, Alain Scopelliti hà passatu a so zitellina vicinu à i bugnaghji. Era dunque naturale per ellu di francà u passu !

À 32 anni, Alain principia a so muta prufissiunale è stalla subbitu subbitu a so splutazione in piaghja di u Nebbiu dopu à a so furmazione à u liceu di u Borgu. Da una trentina di bugni cumprati in u 2005, Alain, forte di l’amparera di e tecniche cum’è l’allevu di e matricule (l’ape maestre), ne hà oghje 350. “Ùn ne averaghju micca di più, preciseghja l’apicultore, chì vogliu anzi tuttu priservà a qualità di u mo pruduttu è tene ne tutta a so sputichezza”.

Sei varietà cumponenu a gamma di a meleria E Cabanelle. Un travagliu fattu incù l’altri attori di a regione. “U fraiutu hè impurtantissimu ind’è noi è dopu à l’annate difficiule chì sò scorse (face riferenza Alain à e batterie chì minaccianu è attaccanu diverse spezie isulane), hè un veru piacè di vede chì pudemu cuntà nantu à l’altri agricultori” aghjusta l’apicultori passiunatu.

Omu discretu, propiu umanu, Alain cuncilieghja benissimu u scambiu paisanu è l’amore di a Natura. “In fine di i conti, basta à pisà l’ochji per accorghje si ne chì tuttu hè maraviglia nantu à a nostra isula !” Dice u saviu !
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu