Aghjugna à u vostru librettu di strada

Christophe BARBARAS

Les ruchers de la Casaluna

Mele AOP

Accolta : Da maghju à ghjennaghju pigliendu appuntamentu.

I tarritorii : Casinca - Castagniccia - Costa Verde

I catigurii : I meli

I pruduzzioni agriculi : I Meli di Corsica

Ghjunghjendu à a meleria di Christophe Barbaras in u paisolu di San Lurenzu in Castagniccia, si pò scopre un ghjuvanottu impassibile chì spizzica a so ultima racolta di polline. V’accoglie incù simplicità è un surrisu sinceru in u quale s’induvina i tratti di l’apicultore. Usservendu lu apre i so bugni è curà e so ape, ci pudemu dumandà quale, d’ellu o d’elle, hà sceltu l’altru ? Si sò di sigura ritrovi in a so discrezione è a so minuzia à u travagliu ? Spartenu di sigura dinò u stessu amore cuntemplativu di a natura incù u desideriu d’estrae ne a quintessenza ?

L’apicultore hè sempre in cerca di e più belle fiuriture, ch’elle sbuccessinu in Castagniccia o assai più luntanu. “Certe volte, muntagneghju sin’à Cristinacce per esempiu. Sploru tale o tale territoriu è parvengu certe volte à realizà meliture incù essenze fiurale uriginale è abbastanza scarse per a Corsica.” spiega Christophe. Incù piazenza, elabureghja cusì meli raffinati, suavi o di più forti segondu a stagione, a natura chì circonda è a vulintà di e so ape.

“Eiu chì sò propiu timicu, stu travagliu m’ublicheghja dinò à apre mi à l’altri per prisentà u mo mele. Ùn era naturale à principiu ma ci pigliu assai piacè oghje” sottulinieghja pudicamente. A so cumunicazione è a so cumunione prulungate incù l’ape l’anu di sigura aiutatu !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu