Aghjugna à u vostru librettu di strada

Annet PAOLI - BRUINS

Le Miel de Salice

Meli AOP - Amacu – Pani di spezii - Cunfitturi

Accolta : Tutta l'annata / si cunsiglia di tilifunà a vigiglia.

I tarritorii : Dui Sevi-Dui Sorru - Cruzini - Cinarca

I catigurii : È dinò…, I meli

I pruduzzioni agriculi : I Meli di Corsica


20121 Salice
  06.73.00.05.92.
  www.miel-de-salice.com

Hè nantu à l’altra sponda di u mari Tarraniu chì hè natu u distinu corsu di sta ghjovana ulandesa quandu hà scuntratu à Jean-Christophe Paoli, urighjinariu è innamuratu di u Salce, un picculu paesu chì supraneghja a vaddi di u Cruzini da i so 700 metri d’altitudina. Hà prestu spartutu a so passioni di a tarra è di u Cruzini cù Annet chì hà subitu abbandunatu i so ambizioni di bibliutecaria par un’attività in armunia cù sta tarra nova ch’edda hà scupartu è ammansatu senza mancu strazià.

A scelta di l’apicultura s’hè fatta dopu di manera naturali chì li parmittia di campà à tempu una vita di famiglia bedda carca cù i so quattru ghjovani figlioli è un spannamentu prufissiunali chì, par edda hè di primura.

Ci dici, schietta : « Quand’è sò sola quì, cù i me abi, risentu una paci è una felicità senza paru. » À Annet li piaci stu travagliu esigenti è pueticu à tempu è chì li dà a pussibilità di godasi piacè simplici à u filu di i staghjoni. Hè attaccata à tempu à sta paci è à l’abi ch’edda cura cù un rispettu è una dilicatezza infiniti, benchì li tocchi à spessu à disturballi par studià comu si sviluppani i culunii.

In a so buttega di u meli, vi farà tastà dopu un meli sapuritu è dilicatu ch’edda metti in i so bunissimi panioli di spezii chì sò cunnisciuti ancu fora di a vaddi di u Cruzini.

‹‹ Ritornu