Aghjugna à u vostru librettu di strada

Jean-Jacques RENOSI

Carri di viteddu – Prudutti di a righjoni

Accolta : Nantu à appuntamentu, d'aprili à ghjugnu è da sittembri à dicembri

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi

I pruduzzioni agriculi : U viteddu di Corsica

Hameau Carbonaccia
20230 Velone Orneto
  04 95 36 83 77 |   06 89 77 79 96

Jean-Jacques Renosi hà una leia viscerali cù u so paesi, a Carbunaccia l’Urnetu. U babbu ci tinia un maceddu, è in u 1977, cù logica, dicidi di piglià a seguita. Una trasmissioni naturali è spuntanea : u figliolu hà fighjulatu anni è anni è cun passioni stu babbu primurosu di rispittà   i tradizioni. Cun pacienza Jean-Jacques hà da sviluppà a piccula buttrega di famiglia par impiantacci una vera impresa.

Oghji, ind’è i Renosi – i dui figlioli di Jean-Jacques suvitani una furmazioni agricula – hè addivata è trasfurmata a materia prima. In a so piccula buttrega aparta in u 2010 Jean-Jacques pruponi à u visitatori una salamaria casana fatta à l’antica.
Ma Jean-Jacques hè sopratuttu fieru di u so camiò di tragulinu chì avvinghji par a Tavagna, Valle d’Orezza è l’Ampugnani par serva i clienti in paesi. « Ah, mancu ùn mi ne scordu ! Sò priuritarii !  I farini, i casgi o l’oliu chì vendu sò à 90% u fruttu di u so travagliu. » I pruduzzioni sò quiddi di i pastori scuntrati in a so girata.

Appinzeti l’arechja…Ribomba a tromba di a camiunetta in a vaddi. A tramandera di sta pratica paisana accerta bè l’arradichera di Jean-Jacques à i valori di stu mondu paisanu. « Sò natu in a casa induva campu oghji. Criditimi puri ùn ci hè nunda più beddu cà di crescia in u so paesu nativu ! » U cridimi vulinteri !
 

‹‹ Ritornu