Aghjugna à u vostru librettu di strada

Ghislaine FESNEL et Louis REGGETI

I Cucchi

Furmagliu di capra - Toli d'ospiti

Accolta : Furmagliu da maghju à lugliu, a matina,?toli d’ospiti da maghju à sittembri.

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

I pruduzzioni agriculi : U casgiu corsu, Agneddu lattaricciu è caprettu

Arrampicatu à à pocu pressu cinqui centu metri d’altitudina, nantu à u fiancu di a muntagna, San Niculau supraneghja a piaghja di Moriani. Hè quì chì Ghislaine Fesnel hà sceltu di campà vultendu à a tarra in l’anni ottanta.

Ghislaine hè capraghja è ni hè fiera ! Li piacenu i capri è u sintimu di libertà chì li dani. « Mi piaci a natura, senza nimu par cumandammi, è i me capri ni aghju u bisognu ! » Cura una banda di un centu di capri ch’edda hà chjamatu : Magali, Poupette, Halloween, Dumbo (par via di l’arechji) è chì campani in libertà nantu à un tarrenu chjosu tamantu. Si ni voltani in a mandria solu di notti.

Ogni matina ci ritruvemu à u stazzili induva si faci a munta à a manu. Dopu, à u casgili, più in ghjò, in paesu è si cumincia à fà picculi casgi freschi, bianchi è tondi. U restu di a ghjurnata servi par falli staghjunà à l’antica : ci hà da vulè à vultulalli, palpalli, raschialli…

È cù sti ghjurnati beddi carchi, Ghislaine trova u tempu par accoglia è cun piacè a ghjenti di passaghju à u casgili. È sti lochi cusì beddi è a so tola d’ospiti vi dani dui raghjoni par cansà quì.

* u paesu hè postu nantu à u caminu butanicu (scuparta guidata di a natura corsa).

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu