Aghjugna à u vostru librettu di strada

Paul-Marie NICOLOSI

Casgiu Caprunu Venachese

Furmagliu caprunu- Brocciu AB

Accolta : Da ghjinnaghju à mità di lugliu (furmagliu frescu, staghjunatu)

I tarritorii : Corsica Livantina

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu, Agneddu lattaricciu è caprettu

Dopu à studii di ghjistioni, Paul-Marie Nicolosi avaria pussutu piglià u cumandu di a piccula buttrega è caffè di i so parenti, s’eddu ùn avia avutu a brama forti di campà ind’a natura inturniatu d’animali.

Di sicuru chì a passioni hà francatu una ghjinirazioni postu chì oghji Paul-Marie ghjira i stradi di a muntagnera duva battia u so missiavu ind’i tempi. Discrettu è misuratu in i so parolli, si senti à veru l’amori di u mistieru è di u so bistiami, à quali dà guasgiu tuttu u so tempu. Ghjuntu à a splutazioni à 6 ori è 30 pà dà alimenti, mugna o curà i so capri, ùn riparti cà di notti tempu.

À u capu d’una banda d’una cintunaia di bestii, sparti u so tempu trà un inguernu passatu in piaghja, ind’A Vaccaghja, è una muntagnera  ind’a vaddi di u Verghellu. Insù i capri si discioglini da a tutella di u so patronu, pigliendu qualchì libertà è qualchì forza in più da offra li un latti savurosu chì ghjuvarà à fà casgi di tippu venachese*.

Ancu sè in bon ghjistunariu, cunnosci a difficultà à strutturà è assicurà a so attività,  Paul-Marie Nicolosi sà dinò chì a libertà è a maestria di a so scelta di vita fermani oramai i so riesciti i più beddi.

*Nantu à i cinqui tippi di furmagli corsi, si ricunnusciarà u tippu venachese à a so crustula di culori rossu-aranciu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu