Aghjugna à u vostru librettu di strada

Sandrine DE MAGGIO

E Piane

Casgiu picurinu - Brocciu AOP

Accolta : Da mità nuvembri à ghjugnu :
Marti, ghjovi, vennari, è dumenica 8h 30 - 12 h 30

I tarritorii : Nebbiu - Capi Corsu

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu

Lieu dit Pietrabio
20248 Macinaggio
  06.10.79.04.44
  epiane@hotmail.fr

In 2006, quandu i so maiò li pruponini di ripiglià a so splutazioni, Sandrine De Maggio hè in l’incertezza. Sicritaria cuntabili in Bastia ùn si vedi fatta nè pà i botti in caucciù nè pronta à mugna i pecuri… È puru, accetta di suvità una furmazioni agricula, è scopri subitu a so vucazioni.

Dui anni dopu, Sandrine si stalla in Macinaghju, dicisa à crià un impresa muderna è dinamica, à a so imaghjina : « U stazzili era in gattivu statu è a banda invichjaia. A ripresa ùn s’annunciava micca faciuli, ma aghju pussutu cuntà à nantu à u sustegnu di a me famiglia è quiddu di i me vicini addivatori. » . I primi 80 pecuri sò stati compri à Marie-Paule Cesari, 15 altri dati da André Albertini. Oghji Sandrine pussedi una banda di 145 capiti, addivati à nantu à trenta ettari di prati suminati.

« Mi piaci stu mistieru prima pà u cuntattu cù issi animali. Sò i me figlioli in qualchì manera ! » dici quidda chì hà battizatu certi di i so pecuri « Mimi », « Choco », « Gourmande » !

Seria in a so ricerca di sapori sputichi, Sandrine cunfizziuneghja una spicialità fina, U Divinu, è ni cuntrulleghja a cummircializazioni. A dunetta credi ind’una pulitica agricula forti : «  Parmittarà di fà campà a filiera è di prisirvà a nostra identità. Un’ aghju micca fattu tutti issi sforzi da chì i me furmagli si ritruvessini à nantu à un parastaghju, assistati à cantu à prudutti industriali artificiali ! »

Tamanta energia pà sta bedda pasturedda !
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).
‹‹ Ritornu