Aghjugna à u vostru librettu di strada

Maxence FINIDORI

U Porcu Di Cagna

Salameria AOP

Accolta : Tutta l'annata nantu à appuntamentu (attellu, siccatoghju, parcorsu purcinu). visita in bughì di u duminiu viticulu è purcinu.
Spuntinu

I tarritorii : Sud Corse

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Domaine De Piscia
20114 Figari
  06.15.59.54.95.
  maxence.finidori@hotmail.fr

À 12 anni dighjà, Maxence Finidori scopri u mondu agriculu ind’una splutazioni vaccina. « U fattu d’essa ciuttatu assai prestu ind’u mezu campagnolu hà incalcatu a me brama di divintà  addivatori, è più pricisamenti addivatori purcinu’ » palesa u ghjuvanottu. Un ingaghjamentu forti accintuatu da u mistieru di u babbu, Marc, capraghju spirimintatu. Dopu à a so furmazioni à u liceu agriculu di U Borgu, Marc li cheri aiutu pà a so ustaria agricula di Piscia. À tempu, Maxence pirfiziuneghja a maestria di i sfarenti tecnichi di salameria cù prufissiunali di spirienza. « Duranti quattru anni aghju usservatu è travagliatu cù pruduttori di i paesi di Zecavu, Bastelica è San Lorenzu. Ani tutti u so metudu, u so sapè fà.. Aghju accatastatu i so cumpitenzi pà  appruntà a me propria tecnica ! »  palesa Maxence surridendu !


Oghji, Maxence pussedi centu trenta porchi, cù 40 distinati à a fabbricazioni di Prisuttu, Lonzu è Coppa. U so ughjettivu hè di pruducia ni centu vinti, cù un solu scopu : a qualità.  « Pocu impremi a quantità. Hè par quissa ch’aghju sceltu subitu u labellu AOC (Appillazioni d’Origini Cuntrullata). Ciò ch’e cercu nanzu à tuttu sò issi sapori di i tempi. Pà mè hè un onori di senta un vechju arricurdasi di u sapè fà di i so parenti tastendu u gustu di a me roba purcina. » È i nostri antichi sapiani di cosa parlavani !

 

‹‹ Ritornu