Aghjugna à u vostru librettu di strada

Pierre PELLEGRI

Furmagliu caprunu - Capretti - Brocciu AOP- caghjati, cunfitturi di latti

Accolta : Nantu à appuntamentu da Natali à lugliu / a matina, à u casgili (fabbricazioni) / u dopu meziornu, visita di u piazzili è (o) di u casgili.

I tarritorii : Corsica Livantina

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U Brocciu

Place de l'église - Moïta
20270 Moïta
  06 16 29 27 96
  capramoitinca@gmail.com

Da u scontru pò nascia ognitantu una voglia spartuta, una vucazioni cumuna. Pierre è Sara Pellegri ni sò asempii trimendi !

Ellu, travagliava ind’è a logistica è u trasportu, ella, ind’a risturazioni. Era figliola di pastori, ellu era un ziteddu di Moita, paesi  induva a minanna vindia dighjà u furmagliu in a buttrega chì li ghjova oghji di casgili è di casa.

Subitu, l’hè vinuta l’idea di piglià in manu u so distinu è di custruiscia un prughjettu insemi. Pà Sara chì hà crisciutu à mezu à i bandi di i so parenti, a cosa paria più evidenti è u travagliu più facilitatu. Pà Pierre, ci hè vulsutu à avvizzà si subitu à u mistieru. Sorti bona di a vita, u fattu hè chì a stallazioni di u coppiu hè cascata à tempu à a nascita di u so ziteddu. Nantu à u puntu di dà nascita à a so figliola, Sara cunsigliava u ghjovanu pastori mentri a figliera di i capretti.  « À principiu, emi straziatu à pena. » ci dicini in cunfidenza.

Difficiuli da creda quandu si vedi a facilità è a filicità di issu coppiu pà dirighja oghji a splutazioni sottu à u sguardu curiosu di a so figliola chì l’accumpagna in ogni locu.

Da chì fà nascia una vucazioni !

‹‹ Ritornu