Aghjugna à u vostru librettu di strada

Pierre-Thomas ALLEGRINI

Furmagliu caprunu - Allevu vaccinu

Accolta : Da nuvembri à sittembri /

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U viteddu di Corsica

Sopra à Sagone, Pierre-Thomas Allegrini dirige incù curagiu è passione una bella splutazione chì adunisce capre è vacche. 
Figliolu di pastore, Pierre-Thomas Allegrini hè un zitellu di u paese chì cunnosce stu territoriu cum’è e so capre.
Ghjovanu ghjovanu, hà girandulatu incù u babbu è u babbone pè ste teppe è sti pughjoni chì supraniscenu u mare vicinu. “À dì la franca, ùn aghju mai pinsatu à fà altr’affare, era un’evidenza per mè” dice u pastore incù simplicità.

“Durante unipochi d’anni, aghju travagliatu incù u pastore chì avia a splutazione prima è dopu aghju pigliatu, di modu naturale, a so seguita quand’ellu hà piantatu a so attitvità”
Quì, Pierre-Thomas face u casgiu dettu “niulincu”. Difatti, da i pastori di u Niolu vicinu, hà chjappu e tecniche di fabricazione è d’affinata chì danu à sti casgi tutta a so sputichezza è u so sapore.

A dumenicata o pè e vacanze, à spessu hè aiutatu da u so ghjovanu nipote chì pare esse, ancu ellu, toccu da a stessa passione pè l’allevu.
Pè ciò chì tocca à a so carne sapurita buina, hà tene solu pè qualchì risturante di u rughjone è pè a clientela di a so macelleria di Vicu rassigurata da a so urigine.

.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu