Aghjugna à u vostru librettu di strada

Marie-Antoinette et François ALBERTINI

Gaec A Sulana

Casgiu picurinu casanu Brocciu AOP

Accolta : Da dicembri à lugliu, 10 ori à -5 ori di sera

I tarritorii : Centru di Corsica

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu

Route du Stade
20224 Albertacce
  04 95 48 08 93

Di volti ci sò i vucazioni chì saltani una generazioni ! cusì hè stalvatu par Marie-Antoinette Albertini chì hà pigliatu a listessa strada cà u missiavu, pastori niulincu. “ Aghju sempre campatu in un ambiu paesanu, in particulare cù e mio zie, capraghje in Galeria, chì m’anu trasmessu issu spriritu pasturecciu è cù babbu, zootecnicu à l’INRA chì ellu m’hà amparatu u rigore scientificu chè rispettu sempre oghje quandu facciu i mio prudutti.” ci dici a pastora. È puru Marie-Antoinette hà principiatu cù i succorsi è l’archeulugia. Spieca : « Tandu, aviu una vera passione per l’archeulugia. Ancu oghje , quand’è aghju un pocu di tempu liberu, aiutu dinò à fà qualchì scavu. »

Dopu à i so studii in Scienzi Umani à l’Università di Corsica, scontra l’omu chì hà da duvintà u so maritu è chì brama di vultà in Corsica à fà a so impresa. Marie-Antoinette piglia a dicisioni d’accumpagnà lu nantu à a strada di u ritornu. Dici : « Prima, aghju aiutatu un vechju pastore di u paese chì m’hà datu a so banda di rigalu quandu hè partutu à a ritirata. Da tandu aghju veramente decisu di fà ne u mio mistiere. »

Oghji, Marie-Antoinette hè sempri padrona di a so impresa induva faci u casgiu sputicu di u rughjonu, u famosu casgiu niulincu. Hè dinò cuntenti  chì avà affacca a rileva : hè prontu u figliolu à piglià a so seguita è quidda di l’arci missiavu !