Aghjugna à u vostru librettu di strada

Ilda et Cosima PENCIOLELLI

Gaec A Pasturella

Furmagliu picurinu casanu - Tomma è Brocciu AOP

Accolta : Da a fini di nuvembri à a mità d’aostu

I tarritorii : Centru di Corsica

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu, Agneddu lattaricciu è caprettu

Pegurellu - Route Du Cimetière
20250 Corte
  06 85 83 31 49 / 06 89 62 97 98

Ghjugnendu in a famiglia Penciolelli, Ilda scuprò u mondu agriculu è l’allevu di vacchi o di pecuri pà a carri. Ind’è i Penciolelli, allivatori da babbi in figlioli, ognunu faci prova di pulivalenza è pò rimpiazzà qualsiasi membru di a famiglia in u so travagliu. Ilda s’hà da avvizzà à pocu à pocu à stu mezu à fiancu à a so cugnata Cosima, avvezza dipoi sempri à purtà i bandi d’’animali.

À  la  prima, duranti uni pochi d’anni, era  piuttostu attratta da a cità è  da i so cummerci, sinu à u scontru cù una pastori chì li tramandedi tuttu u so sapè è in particulari quillu di a fabricazioni di u furmagliu è di u Brocciu.

Forti di issa spirienza è issu sapè, Ilda pudia vultà ind’a splutazioni famigliali. Avà, tocca à ella à trasmetta è à inizià a so cugnata Cosima à a fabricazioni. Da sta cumunioni di sapè, hè nata A Pasturella, una splutazioni di pecuri lattaghji duva i dui donni s’aiutani è si cumplettani cù efficacità.

Cosima cunduci a banda di l’animali mentri chì Ilda s’accupa di a fabricazioni d’un furmagliu vinachese gustosu, ancu s’è, sicondu l’usu famigliali, una pudarà un ghjornu fà u travagliu di l’altra.

‹‹ Ritornu