Aghjugna à u vostru librettu di strada

Mimi COSTA

Furmagliu picurinu casanu Brocciu AOP Vitellu corsu

Accolta : Da marzu à sittembri.

I tarritorii : Centru di Corsica

I catigurii : L’addevu, a robba purcina, i casgi

I pruduzzioni agriculi : Agneddu lattaricciu è caprettu, U casgiu corsu, U viteddu di Corsica

Canaglia
20219 Vivario
  06 73 80 77 25
  mimicosta.exp-agricole@orange.fr

Ci sò l’omi chì t’ani una leia trimenda cù u locu induva elli stani, à tal’ puntu chì hè a so parsona sana chì hè in armunia cù u so ambienti. Hè à puntu u casu di Mimì Costa è di u paisucciu di Canaglia : u pastori di u paesi hè ellu è Canaglia hè u so tarritoriu, puntu è basta !  « I me parenti ùn erani viramenti pastori postu ch’elli t’aviani u so travagliu, ma ani sempri avutu l’animali è faciani i so furmagli… » è cuntinueghja « Aghju campatu quì, à mezu à l’animali, è ùn mi sò mai postu a quistioni, par mè ùn ci era  dubbitu, aviu da divintà pastori. »

L’avvena hà datu raghjò à Mimì, t’hà oghji a so ghjerghja è dirighji l’ustaria di u paesi, vera « ustaria – tappa » nantu à u parcorsu di u GR 20. À Mimì li piaci u so mistieru quant’è u so tarritoriu è prova à sparta lu cù a maiò parti di a ghjenti. « Quì passani assai ghjenti ogni ghjornu pà magnà un bucconu, cumprà un furmagliu o chera un rinsignamentu. In muntagna, ci vò à essa capaci à dà un pocu di u so tempu à a ghjenti di passaghju. È po, à parè meiu, sò assai fieru di fà li tastà i nostri prudutti  è sopratuttu fà li cunnoscia a tipicità di u furmagliu venachese, è sò unu di i difenditori i più passiunati di issu casgiu. »

Hè cusì u pastori di Canaglia !

‹‹ Ritornu