Aghjugna à u vostru librettu di strada

Bastianu et Simon AGOSTINI

Salameria AOP - Stanzi d'ospiti

Accolta : Tutta l'annata pà a vendita di salameria / da u 1u d’aprili à u 15 d’uttrovi pà i stanzi d’ospiti.

I tarritorii : Centru di Corsica

I catigurii : L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

I pruduzzioni agriculi : U Prisuttu, U Lonzu, A Coppa di Corsica

A Ghjuvellina - Lieu-dit Croce
20218 Piedigriggio
  04 95 47 68 75 |   06 16 04 10 34 / 06 19 56 61 48

Ind’è l’Agostini, a passioni di a tarra è u rispettu di i tradizioni si trasmettani da babbu in figliolu ! Simon, u patriarca, principia in 1978 a so attività di maciddaru, cù a so moglia Dominique, solu dui anni dopu à u so ritornu da Marseglia. Insemi cumponini u so bistiami in Pianellu, paesi di a righjoni di a Costa Verde. « À principiu, semi partuti di nulla ! conta Dominique. Ma tandu, ciuttati ind’ì l’epica di u Riacquistu (muvimentu culturali di riacquistera di a lingua, di a literatura è di a storia corsa), i nostri ingaghjamenti trapassavani a straziera di u travagliu ! ». Hè in l’annu 2000, chì Dominique è Simon elabureghjani u prughjettu di camari d’ospiti, cù una filusufia unica : a scuparta di i pruduzzioni isulani.

Ma l’allevu ùn hè lasciatu da cantu ! Hè datu à Bastianu, u figliolu di a famiglia. È u ghjuvanottu t’hà subitu un intaressu maiò pà st’attività. « A sapiu chì u me parcorsu saria liatu à l’allevu. Aghju suvitatu furmazioni adatti, un’amparera cù me babbu, cù una sola idea in capu : divintà u me propriu patronu ! » Oghji è dipoi dighjà 8 anni, Bastianu t’hà 200 animali - trà Pedigrisgiu è Pianellu, i tarri di a so ghjuventù - è faci a roba purcina in Appillazioni d’Urighjini Cuntrullata (AOP).  « Quandu si scegli stu mistieru, ci voli à schisà i vacanzi ! Ma s’eddu ci vulia à rifà a scelta, saria a listessa di sicuru ! » ci cunfidi l’allivatori.

Quistioni di cunvinzioni, di fedi  !

‹‹ Ritornu