Aghjugna à u vostru librettu di strada

Mickael BATTESTINI

U Pulaschese

Casgiu caprunu casanu

Accolta : Da gh jinnaghju à ghjugnu.

I tarritorii : Centru di Corsica

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

À u principiu a storia di Mickael Battestini hè quidda di un distinu cuntrariatu. « Era funziunariu à u SIVOM di a Marana ma a sapia chì a mio vita ùn era quì. D’altrondi, ùn aghju mai varcatu u passu lascendu u paese. Tutte e sere dopu à u travagliu mi ne ricullava in e mio muntagne. » ci conta Mickael, dopu aghjusta : « Ùn avia guasgi chè amichi pastori è ogni volta chè t’avia un pocu di tempu liberu, mi n’andava à ritruvà li cù e so bande. » Un ghjornu hè stata più forti a so brama chì Mickael n’avia una techja d’essa pastori par « pricurazioni ». In u 2010, piglia infini u so distinu in manu, ripiglia i so studii è faci a so impresa.

“M’hè tuccata à fà tuttu di e mio mani cù l’aiutu di a famiglia è di l’amichi è ancu s’è ùn hè mai faciule à u principiu aviu feghjatu à bastanza l’altri pastori per sapè chì era nantu à a strada bona.”.

In pochi anni, s’hè allargata a banda, Mickael à pocu à pocu hè duvintatu di più sicuru è capaci è oramai pò pinsà à un avvena felici è sicuru fighjulendu i monti maestosi di l’Upulasca.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu