Aghjugna à u vostru librettu di strada

Stéphanie FROMBOLACCI et Pierre Antoine BATTINI

GAEC Sant'Appianu

Salameria AOP

Accolta : Puntu di vendita in Aleria / da nuvembri à marzu.

I tarritorii : Corsica Livantina

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica


20270 Tox
  06 21 75 82 99 / 06 20 90 01 28
  ste-phanie@live.fr

S’è l’esodiu campagnolu hè à spessu una rialità in u mondu attuali, accadi quantunqua chì certi ghjovani coppii pigliessini a dicisioni di fà issa strada à l’inverciu è dunqua sceglini di ridà fiatu à i picculi paesi di l’internu. Hè a scelta ch’ani fattu, uni pochi d’anni fà, Stéphanie è Pierre-Antoine criendu a so splutazioni purcina in u so paesi di Tocchisu. Cavaliera rinumata, Stéphanie t’avia a brama di divintà accumpagnatori equestra mentri chì Pierre-Antoine, figliulinu di pastori, sunniava in sicretu di pudè campà in u paesi di a so zitillina. « Aghju fraquintatu è visitatu parechji allivatori purcini in Corsica sana è aghju pussutu apprizzà a ricchezza ch’ellu raprisintava issu sapè fà » spiega Pierre-Antoine. Cù Stéphanie, ani fattu dunqua a scumessa d’andà in issu filu, ani invistitu torna a casa famigliali, è criatu una splutazioni più cà muderna da fà a so salameria.  « Subitu, aviami l’idea d’ottena l’AOP salameria corsa (par avà Prisuttu, Coppa è Lonzu) è emi dunqua travagliatu in issu sensu. »

Patroni d’un bistiami di porchi ‘nustrali’ allivati ind’a natura in u licetu vicinu, Stéphanie è Pierre-Antoine ani cunquistu subitu i bocchifini di a righjoni è al di là. Incù stu successu tremendu, ani apartu un beddu puntu di vendita in Aleria pà fà cunnoscia a qualità di a so pruduzzioni à u più di ghjenti pussibuli.

 

‹‹ Ritornu