Aghjugna à u vostru librettu di strada

Marie-Laure POGGI

L'AGHJA

Ustaria agricula – Furmagliu picurinu campagnolu – Addevu vaccinu

Accolta : D’inguernu, u vennari è u sabbatu sera / d’istati, tutti i seri francu u luni.

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

I pruduzzioni agriculi : U casgiu corsu, Agneddu lattaricciu è caprettu, U viteddu di Corsica

Hameau de Pevani
20111 Calcatoggio
  06.76.20.82.56
  marielaure-poggi@orange.fr

S’è vo feti una spassighjata versu Pevani, tippali maistosu chì dà nantu à u golfu di Savone, vicinu da Aiacciu, di sicuru chì scuntrareti una bedda è ghjovana pastori chì camina nantu à i pianuri arbosi in cumpagnia di i so pecuri o di i so vacchi. Un’ vi fideti à a so parsona smilza è à u so picculu surrisu maliziosu, seti quì di pettu à una donna energica chì dirighji a so splutazioni è a so ustaria cù curaghju è ditarminazioni. « Malgradu una piccula spirienza in a righjoni bastiaccia, aghju sempri sappiutu ch’e vultariu un ghjornu in Pevani. I me zii erani pastori quì, dipoi tempi andatoni è cù me fratellu emi crisciutu in issu ambienti », spiega Marie-Laure.

« Aviu a voglia di suvità a via tracciati da i nostri è cuntinuà à fà campà a tradizioni pasturali di u nostru paisolu », cuntinueghja a ghjovana.

Aiutata da u so nipoti, passa i so matinati à curà i so pecuri è i so vacchi nanzu di righjugna a so ustaria, quandu veni a staghjoni turistica, ustaria duva a so mamma hè affacindata à i furnelli pà aiutà la. Ind’è i Poggi, l’aiutu famigliali è l’amori di u travagliu ben fattu sò valori di primura è nimu a si pò francà ! Marie-Laure Poggi faci parti di st’addivatori muderni chì ani sappiutu tena i valori trasmissi da i so antenati, adattendusi par via di a diversificazioni di a so attività, à l’ubligazioni di a vita attuali in ambienti campagnolu.

‹‹ Ritornu