Aghjugna à u vostru librettu di strada

Paul-Jean POGGI

U Pevanicu

Furmagliu caprunu -

Accolta : Da dicembri à a fini d’aostu / 9 ori è mezu- 3 ori è mezu di sera.

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U viteddu di Corsica

Hameau de Pevani
20111 Calcatoggio
  06.14.84.25.12

« Un Dimanche à la Campagne » : stu titulu di filmu rinumatu pudaria simbulizà a doppia è primaticcia vucazioni di Cathy è Paul-Jean Poggi pà u pasturalisimu. Si pò dì chì hè ind’i so duminicati di zitiddina chì tramindui avarani ditarminatu u so avvena prufissiunali. « I me dui zii erani pastori in Pevani è ogni duminicata, aspittavu cù impacienza di pudè li righjugna. Quì, à mezu à i so animali, mi paria di rinascia. Eru ind’u me elementu è aghju sappiutu subitu chì un ghjornu sariu pastori » conta Paul-Jean cù una voci passiunata.

« Eiu andavu à a scola in Appiettu, quì vicinu, è passavu i me duminicati à suvità u pastori di u paesi à nantu à i cuddetti. Mi piacia à veda lu fà u so furmagliu », ci cunfida oghji Cathy ind’u so attellu di fabbricazioni. È puru, issa ghjovana spurtiva è dinamica scegli prima a via di u salvamentu in mari pà spannà si ind’u duminiu prufissiunali. È po un ghjornu scontra à Paul-Jean è i so ricordi zitiddini rinascini. «Aviu tandu l’uccasioni di rializà u me sonniu zitiddinu », cuntinueghja Cathy. S’edda laca à Paul-Jean l’ammaistrera di l’animali, s’incaricheghja subitu di a fabbricazioni è di l’arricata di u furmagliu. « Amu cù passioni u me mistieru è aghju a furtuna tremenda di pudè lu sparta cù me maritu », cuncludi Cathy cù simplicità.

‹‹ Ritornu