Aghjugna à u vostru librettu di strada

ATELIER CHARCUTERIE DU HAUT TARAVO

A Talavese

Salameria AOP

Accolta : SU APPUNTAMENTU

I tarritorii : Sartinesi Valincu Taravu

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Guitera village
20153 Guitera les Bains
  06 85 17 02 69

Cuuperativa di robba purcina A Talavese L’idea d’arrigruppà pruduttori purcini nantu à sta tarra di salameria di l’Altu Taravu hè nata ind’u filu di l’anni 80. Hè stata a dicisioni di uni pochi di splutanti di a valli pinsirosi di federà si pà aghju-gna i so forzi è i so mezi di pruduzzioni. S’è dipoi u 2005, a struttura hè stata compra torna è muder-nizata assai, hè sempri cù a stessa vulintà d’adduniscia i cumpitenzi è l’attrazzi di pruduzzioni.

Hè cusì chì oghji, setti allivatori purcini di u Taravu spartini è facini campà l’attellu cuuperativu di sala-meria A Talavese, in u paisucciu di Vutera. Ma puru l’attellu essendu à u capu di a mudernità, u sapè fà, ellu, ferma anticu è arradicatu ind’una antichissima tradizioni di robba purcina di a valli.

« Feti casu chì, quì, ùn femi sciarcutaria industriali. Utilizemi i stessi tecnichi di fabbricazioni è d’affinata cà l’altri pruduttori indipindenti. I mezi tecnichi ch’è no t’avemi ci parmettini simpliciamenti di trattà una quantità più impurtanti. », priciseghjani bè i setti pruduttori. È sempri ind’u stessu filu aghjusta-ni. « A quantità impurtanti chì hè fatta hè di sicuru cumpatibili cù u quaternu di carichi di l’AOP. Tutti i nostri porchi sò di razza corsa, campani ind’a natura è si nutriscini di ghjandi è castagni di a valli. I nostri prudutti ùn ani dunqua tanta sfarenza cù l’altri salamerii labellizati in AOP. » Tuttu hè dettu !

‹‹ Ritornu