Aghjugna à u vostru librettu di strada

Frédéric PAOLI

Monti Barbatu

Furmagliu caprunu casanu – Brocciu AOP

Accolta : Da ghjinnaghju à ghjugnu nantu à appuntamentu.
chjassu di spassighjata à pedi : 1.2 chm di pista pà righjugna u casgili

I tarritorii : Sartinesi Valincu Taravu

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U Brocciu

D157
20113 Olmeto
  06 22 02 19 75

U mitu di u pastori libaru è sulitariu hè sempri prisenti pà un bellu pezzu in Corsica ! Ùn hè micca Fréderic Paoli chì ci hà da sbugiardà, ellu chì stà in u so picculu stazzali chì dumineghja a marina di u Valincu. « Eru educatori spicializatu è ancu s’è u me mistieru mi piacia, ùn a li faciu micca à entra ind’u sistema. Aviu bisognu di spaziu, di libertà è sopratuttu d’ammaistrà u me distinu. »

Nantu à issi tarri di pascuri fraquintati da u so missiavu nanzu à ellu, Fréderic Paoli hà sempri avutu uni pochi d’animali . « Era u me passatempu duranti anni è anni è po un ghjornu aghju sceltu di francà u passu pà sempri è di divintà pastori. », cunfidi Fréderic, cù mudestia.

Da tandu, parfizziuneghja i so cunniscenzi di u mistieru cù l’allevatori di a righjoni è a mutazioni prufissiunali si metti in ballu à pocu à pocu, di modu naturali. Oghji, Frédéric t’hà una grossa greghja di 200 capri …è d’uni pochi di ghjallini ! U so furmagliu è u so Brocciu sò vinduti ind’i picculi butteghi di a righjoni è si ritrovani ind’i sacchi di i marchjadori, numarosi nantu à issi cresti di u Valincu, travirsati da Frédéric, un omu libaru mai stancu !

‹‹ Ritornu