Aghjugna à u vostru librettu di strada

François ALBERTINI

Salameria AOP

Accolta : Da nuvembri à a mità d’aostu, da u luni à u vennari / 9h-12h /15h-17h

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Place du village
20215 Loreto di Casinca
  04 95 36 30 24 |   06 86 37 56 65
  angel.mattei@club-internet.fr

Ind’ a famiglia Albertini, omu diventa addivatori purcinu da ghjinirazioni in ghjinirazioni (à puntu quattru da u cantu maternu è trè da u cantu paternu). Tandu ùn hè micca à casu sè Francescu, da ghjovanu, s’hè intesu chjamà da a vucazioni.

À l’età di quindici anni, dumanda à u so babbu di lascià li uni pochi di bestii pà amparà i fundamenti di u mistieru. Cù a spiranza sicreta di veda stu figliolu cù un carattaru forti cuntinuvà a tradizioni famigliali, u babbu accetta vulinteri. 
Dopu à una furmazioni cumplimentaria à u liceu agriculu, in 1985, Francescu faci a so strada solu cinqui anni più tardi. D’annu in annu, custituisci cù pacenzia a so banda chì ghjugni oghji à 400 animali. Francescu s’imponi una disciplina esigenti chì li parmetti di risista à u ritimu sustinutu di a splutazioni senza perda u so ardori.

« Addivendu i porchi, si godi dighjà l’aria bona. S’eddu si aghjusta à què a passioni, allora omu si scorda di l’ubligazioni. »

Cù u tempu, Francescu hà pussutu veda i cambiamenti di a so prufissioni. « S’hè trasfurmatu u mistieru : oghji s’addeva, s’ingrassa, s’intazza è si vendi. Casca à tappu par mè : l’addevu mi piaci, è mi piaci dinò à trasfurmà a materia prima. È in più mi campu à fà scopra i me prudutti à i visitatori, ci dici cù un surrisu. » Trè punti pà vincia !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).