Aghjugna à u vostru librettu di strada

Stéphane ROTILY FORCIOLI

La Rivière

Campeghju è ripastu à a tinuta agricula- Casa d'ospiti

Accolta : Da aprili à sittembri ogni ghjornu. D’uttrovi à marzu nantu à riservazioni.

I tarritorii : Sartinesi Valincu Taravu

I catigurii : I toli & stanzi d’ospiti, ustarii agriculi & alloghji campagnoli

Cù a parolla franca, u sguardu vivu, Stéphane Rotily Forcioli hè un veru parsunaghju chì accogli i so ospiti di modu direttu ma cù curdialità è simpatia. A tal’ puntu ch’omu si pò dumandà s’elli venini solu pà a qualità di i prudutti è a calma di u so campeghju o piuttostu pà scuntrà è sparta una stonda cù u maestru di i lochi.

Demu li a parolla : « U me babbu travagliava dighjà sta tarra nanzu à mè, t’avia dinò pecuri, vacchi, porchi, è ghjallini. Aghju suvitatu a so strada è quì in più di l’ortu, hè un pocu l’arca di Noè. »

Di pettu à a diversità di a so pruduzzioni (ligumi, furmagli, salameria) è a billezza di stu duminiu chietu di a valli di u Rizzanesi, Stéphane piglia a dicisioni, cù a so moglia Natacha, di crià un campeghju è un’ustaria campagnola pà accoglia i visitatori sempri più numarosi.

«Ind’è noi, quilli chì ghjugnini sani ciò ch’elli magnani, li basta à spassighjà in ghjiru à l’ustaria pà veda da duva venini i prudutti ch’elli t’ani ind’u piattu. ».

Travagliadori induritu è passiunatu, Stéphane ùn s’addurmenta micca nantu à i so « pumati ». Dipoi uni pochi d’anni, hà principiatu u ristoru di vechji casi in petra sparsi nantu à u duminiu, pà diversificà a so ufferta è accoglia una clientella chì cerca ella dinò di più cunfortu altu ma sempri cù a listessa brama di cunvivialità è di sputichezza. Di sicuru chì avarani i dui, senza dubbitu !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu