Aghjugna à u vostru librettu di strada

Georges GRISANTI

Furmagliu caprunu

Accolta : Da ghjinnaghju à ghjugnu, 14h-17h à a casina, da lugliu à sittembri in muntagna
Fritteddi nantu à cumanda.

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

Hameau Casabianca - Quercettu
20237 Porta (La)
  06 77 86 06 22
  grisanti.georges@orange.fr

Simplici, fieri è filici !

Una piantata cù un ripastu cumpostu di salameria, di furmagli è di fritteddi di furmagli diliziosi – solu prudutti freschi è casani ! – Dopu, vi garbaria una bedda ora di spassighjata in muntagna ? Allora, andeti à veda Marie-Jeanne è Georges Grisanti ind’u so stazzali, arrimbatu à a Capedda San Bartuli, à mill’è sittantaquattru metri d’altitudini, nantu à a sarra, sopra à  i nivuli ! Riimpitivi i vostri pulmoni d’aria puru… è mireti…A vista hè maistosa : latu di mari, l’isuli Tuscani è Capicorsu ; latu di tarra, punti di vista eccezziunali à nantu à tutti i paesi di a pieve d’Orezza…

Un’accuglianza ghjinirosa, ind’u rispettu di a tradizioni corsa, vi sarà risirvata. Issu coppiu di pastori spartarà cù voscu i faccendi d’ogni ghjornu : mugnitura, fattura di u brocciu è di u casgiu, è tutti i gesti scritti ind’un’antica tradizioni  « com’è l’ani sempri fatta quì… » Eddi, hè insù ch’eddi sò filici « s’eddu si pudia turnà à allungà a staghjoni ! » è quandu vi ni parlini, ani l’ochji chì luccicheghjani… è una mansa d’idei in capu… pà cuntinuà à dà vita torna à l’anziani stazzali muntagnoli.

Affacchetivi à l’epica di a muntagnera à u stazzali – si faci da ghjugnu à sittembri. À a partenza da Monaccia d’Orezza o A Parata, ci voli à cuntà un’ora è mezu di marchja pà i chjassi di u Parcu Righjunali è u passaghju di u trail Via Romana.

‹‹ Ritornu