Aghjugna à u vostru librettu di strada

Sandrine SCHAEFFER et Jean-Louis GUIDONI

Bergerie de Frassigna

Casgiu caprunu campagnolu - Accolta à a tinuta

Accolta : Tutta l’annata / 9 ori-meziornu è 3 ori di sera-7 ori di sera.

I tarritorii : Balagna

I catigurii : L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

I pruduzzioni agriculi : U casgiu corsu, Agneddu lattaricciu è caprettu

Route de la Forêt de Bonifatu
20214 Calenzana
  04.95.60.71.79
  altore1@outlook.fr

A furesta di Bunifatu hè un veru paradisu. In cori di st’ambienti salvaticu, u visitatori ci pò scopra a tinuta agricula di Sandrine Schaeffer è Jean-Louis Guidoni. Posta longu à fiumi di a Figarella, a splutazioni di capruni nasci in u 1999. Jean-Louis, chì pussedi una parti di i tarri, ci principia un annu nanzu un’attività di spassighjati à cavallu. Ma subitu, u coppiu t’hà a voglia d’addivà animali è sopratutttu capri.

« Jean-Louis hà scambiatu i pecuri pà principià a nostra soccita, chì ùn avia cà 30 animali à principiu ! » conta Sandrine, allegra.

Passiunata da st’animali, ni compra torna 30 l’annu dopu, una volta avutu u so diploma. Oghji, u stazzali conta una banda di 200 animali ! È puru i trampuli l’ani avuti à nantu à stu parcorsu : in u 2013, u casgili hè statu brusgiatu, dopu à una saetta. « Ci hà tuccatu à custruiscia torna è à la lestra, cù u sintimu di riparta da nudda, d’un certu modu ! » dici Jean-Louis cù u surrisu. Ma cù a cirtezza maiò d’essa sempri in bona strada. Ma, à dilla franca, « Schaeffer »,  a casata di Sandrine, ùn vò dì « pastori » in Alsazia, righjoni cù forti parsunalità ?

‹‹ Ritornu