Aghjugna à u vostru librettu di strada

Antoine, Alexandrine, Paul-Noël MASSONI

U Pastore

I tarritorii : Balagna

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu, Agneddu lattaricciu è caprettu

Marsulinu - rte de Galeria
20214 Calenzana
  06.42.46.32.52
  antoine.massoni@nordnet.fr

L’affari hà principiatu cù un scontru è una brama cumuna. Alexandrine è Antoine Massoni ùn ani micca avutu paura di campà u so sonniu. U coppiu t’hà una pizzeria in Galeria. Ma à principiu di l’anni 90,  u spiritu di a tradizioni famigliali pastureccia d’Antoine cummencia à essa di più in più prisenti in u so cutidianu.

E’ u ghjuvanottu ùn trica tantu è ùn pò risista di pettu à sta chjama ! Antoine si stalla dunqua com’è sfruttadori in u 1995, prima ind’u paesi di Galeria – cù Alexandrine sempri à fiancu à ellu, passiunata da stu novu prughjettu – po dopu in Calinzana duranti dodici  anni.

« In fatti par eddu, essa agricultori hè sempri statu un affari evidenti. Da zitellu dighjà, accumpagnatu da i so missiavu è minnanna, Antoine facia u furmagliu picurinu. Ed eiu aghju amparatu fighjulendu… è ascultendu ! » spiega a dinamica Alexandrine. Dui anni fà, a splutazioni hè divintata u "Gaec U Pastore" righjuntu da u figliolu maiò, Paul-Noël. U minò, Nicolas, farà listessu da quì à pocu, ancu s’ellu prifirisci l’allevu caprunu !

U prussimu prughjettu di a famiglia hè d’accrescia u bistiami pà pudè spurtà i so pruduzzioni. Pà fà scopra à una mansa di ghjenti u spiritu "U Pastore" !

‹‹ Ritornu