Aghjugna à u vostru librettu di strada

Jean-Christophe SAVELLI

Liccione

Furmagliu campagnolu - Brocciu AOP caprunu - Vendita di capretti

I tarritorii : Balagna

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U Brocciu

Ognunu hè maestru di u so distinu. Jean-Christophe Savelli ni sà qualcosa. U soiu ùn sarà l’ambienti – puru rassicuranti – d’un scagnu !

Dopu à deci anni di servizii fatti in  impresa, Jean-Christophe piglia a dicisioni di ripiglià a splutazioni capruna di u so sociaru, in età d’andà à a ritirata. “Socu figliolu di stututrici. In casa, i studii erani sacri. Era difficiuli di dì ch’omu t’avia a voglia d’essa addivatori ! Ma i tempi ùn erani micca listessi… Ma dighjà da ziteddu, aviu bisognu di travaglià à l’aria pura !” 

Di sicuru, sempri attenti à i gesti di u so missiavu agricultori, u ziteddu s’hè fattu una cirtezza, quilla di travaglià un ghjornu a tarra. È u 31 di ghjinnaghju di u 1998, à l’età di 30 anni, Jean-Christophe si ritrova à u capu d’una banda di 160 capri. Una soccita chì conta oghji à pocu pressu 370 animali ! U pastori accumpagna i so animali è si metti à a fabbricazioni mentri chì a moglia, Anne-Marie, s’incaricheghja di a parti cummirciali.

“Oghji socu libaru com’è l’aria. Facciu u più beddu mistieru di u mondu ! Micca pà quillu chì li piaci à dorma !” Di sicuru chì Jean-Christophe hè un beddu passiunatu !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu