Aghjugna à u vostru librettu di strada

François FONDACCI

Furmagliu picurinu casanu

Accolta : Tutta l’annata / 9 ori - 2 ori è 3 ori – 7 ori di sera

I tarritorii : Balagna

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U Brocciu

Ld Chialza
20220 Monticello
  06.16.82.57.00
  juliacervoni@yahoo.fr

A famiglia Fondacci hè urighjinaria di Santa Reparata è dipoi sempri, in issi piaghji di Balagna, alleva cintunai di pecuri è pruduci furmagliu casanu ! François, u figliolu di José è Antoine, assicura a tramandera di sta tradizioni famigliali. Hè in u 2008 chì u ghjuvanottu piglia a dirizzioni di a splutazioni, stesa nantu à 4 cumuni – Santa Reparata di sicuru, Munticellu, Lisula è Spiluncatu.

« Trè centu cinquanta animali ch’ellu ci vò à rientra à u piazzili à u locu dettu Camariu ! Ma tuttu què hè guasgiu naturali pà mè, l’aghju tantu praticatu è vistu fà à fiancu à me babbu.» È Antoine ùn hè mai luntanu in casu d’aiutu ! François, chì t’hà oghji 27 anni, hè inturniatu bè da donni ! Hè Josée chì s’accupa cun ellu di a fabricazioni di u furmagliu. « M’hà amparatu tuttu ! cunfidi François. À l’usu corsu, era a donna di a famiglia chì era incaricata di a faccenda. Ùn ci vò à vastà l’usi ! » dici schirzendu u ghjovanu agricultori. Hè suddisfatu parchì Julia, a so moglia, ella dinò l’aiuta nantu à u tarrenu è ind’i carichi amministrativi !

Ind’è i Fondacci, u furmagliu hè nanzi à tuttu una storia di famiglia billissima !

‹‹ Ritornu