Aghjugna à u vostru librettu di strada

David et Karine SANTUCCI

Muteri

Furmagliu caprunu casanu - Brocciu AOP

Accolta : Da farraghju à nuvembri nantu à appuntamentu / furmagliu frescu à parta da farraghju, staghjunatu à parta da marzu.

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu

Place du village
20234 Perelli
  06 79 77 49 24 / 06 75 90 94 26
  fromageriemuteri@gmail.com

Cù David et Karine, l’energia è a passioni si trasmettini !

A so spluttazioni, inalpata in cori di a Castagniccia, conta una novantena di capri, “una greghja chjuca”, à senta dì David, ma “a spirienza hè longa ind’è I Santucci ! “ aghjusta Karine.

U so maritu hè nativu di quì, natu in stu paesi ch’ellu teni cusì caru, Perelli d’Alesani ! Nantu à sta tarra, i so antichi ani sempri pruduttu salameria è furmagliu. Hè Karine, urighjinaria di Sartè, - ma dinò di Perelli par via di a so famiglia materna – chì in fatti s’hè adattata ! “A prima volta ch’e sò ghjunta in u stazzali, sempri ghjuvanetta, aghju capitu bè chì i me scarpi cù i tacchi, mi tuccaia à metta li da cantu” si ramenta, allegra, a moglia di u capraghju. Cù scarpi à l’usu, adatti, ùn hè stata tantu ad amparà i tecnichi antichi di fabbricazioni di u furmagliu, à fiancu à a so sociara, Marcelle. “Hè stata edda à amparà mi tuttu !’” ricunnosci a capraghja. Un’ amparera chì li parmittarà di chjappà, in u 2015, l’Appillazioni d’Urighjini Prutetta (AOP) pà u so Brocciu !

A donna crea dinò, a listessa annata, u so furmagliu à edda : ‘Una nuvazioni cuncipita sola ! U rinumatu furmagliucciu caprunu (crottin), ma criatu à l’usu Muteri !” dici cù fierezza è mudistia Karine. A’ i visitatori, l’avvena l’appruntarà dinò d’altri surpresi !

‹‹ Ritornu