Aghjugna à u vostru librettu di strada

Laurent ALBERTINI

Furmagliu picurinu casanu

Accolta : Da dicembri à lugliu.

I tarritorii : Nebbiu - Capi Corsu

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

Saint Léonard
20233 Pietracorbara
  06.21.72.19.92 |   06.80.38.98.72
  annabelletorre@hotmail.fr

Dipoi guasgiu deci anni, Laurent Albertini tramanda una tradizioni famigliali. Quilla di u so babbu, Antoine è di u so ziu, Lucien, tramindui prupietarii d’una banda di pecuri. “Da mimoria di zitellu, l’aghju sempri visti travaglià nantu à sti tarri quì, trà a marina è a parti bassa di i culletti di a Petracurbara. Tandu aviani circa 220 pecuri. A me greghja oghji hè di 300 testi”, conta Laurent, pastori chietu è assirinatu.

À fiancu à ellu, a so moglia Annabelle s’incaricheghja di a fabbricazioni di u furmagliu. Una storia dicisa insemi, in u 2010. “Emi custruitu tuttu, in un annu è mezu ! Una vera scumessa ! U nostru casgili hè statu fattu da pocu” dici Laurent, allegru. “Trasfurmà, hè valurizà u nostru pruduttu, cuntinueghja Annabelle. Una forma d’indipindenza è di ghjistioni di i tappi di pruduzzioni da u principiu à a fini. Parchì socu eiu torna chì m’accupu di a vendita !”  dici Annabelle in cunclusioni. Una vendita in i picculi cummerci di vicinanza è di sicuru sopra à locu à u stazzali. “Parchì a primura hè di tena u cuntattu trà u pruduttori è u cunsumatori”, incalca a ghjovana.

Pà stu coppiu chì surridi sempri, l’avvena ferma apartu à d’altri surpresi... E riesciti ! 

‹‹ Ritornu