Aghjugna à u vostru librettu di strada

Cédric RAFINI

GAEC Ferme de Cinarca

Furmagliu picurinu casanu Brocciu AOP

Accolta : Da ghjinnaghju à ghjugnu.

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu

À spessu campani assai i sonnii di zitillina, è quissa malgradu i volta è ghjira imposti da l’incirtezzi di a vita ; è po un ghjornu, certi riescini ancu à rializà li. Hè propiu u casu di Cédric Raffini, ghjovanu pastori di a valli di a Cinarca. « Zitellu, suvitavu u me babbu pastori è fighjulavu à me mamma chì facia u Brocciu è u furmagliu. Sapiu ciò ch’e vuliu fà », cunfidi u ghjuvanuttonu. Ma parò, quand’ella hè vinuta l’ora di l’urientazioni prufissiunali, l’ani da sceglia un’antra via.  « I cunsiglieri d’urientazioni m’ani cunvintu di scartà mi di issu prughjettu è ani riisciutu à cunvincia i me parenti ch’ella era a dicisioni a più bona pà mè. » Di malavoglia, Cédric Raffini ubbidisci è entri in l’amministrazioni.

Mentri più di deci anni, faci u so travagliu d’ogni ghjornu senza essa à veru passiunatu, ma quandu u babbu di Cédric piglia a so ritirata, li riveni u ricordu di u zitellu pastori, è tandu Cédric piglia a dicisioni di ripiglià a strada chì era stata sviata. « Un’ eru micca misiriosu, di sicuru, ma aghju quantunqua l’imprissioni d’avè persu deci anni di a me vita », ricunnosci Cédric senza troppu amarezza, chì oghji si campa à pudè ritruvà torna i so puntelli è marchi di zitillina. « Oghji sò assai felici è aghju una mansa di prughjetti com’è par un dettu a custruzzioni di a me casgiaria nova ».

Hè detta : « Duva ci hè una vulintà, ci hè sempri una via da piglià ! »

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu