Aghjugna à u vostru librettu di strada

André POLI

U Tretorre

Salameria AOP -

Accolta : Trasfurmazioni di a salameria da u 15 di nuvembri à u 31 di marzu / tutta l’annata à nantu à cumanda.

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Ind‘è i Poli, hè nanzu à tuttu una storia di fratelli. Hà principiatu l’affari in Guagnu, qualchì dicenniu fà, cù i dui fratelli Poli, u babbu è u ziu d’André Poli.

« Me babbu è me ziu aviani tramindui u so bistiami, u me babbu curava i sgiotti è u me ziu s’accupava di i purcelli. Ma u fraiutu era quì quandu ognunu avia bisognu », ci spiega André chì cuntinuveghja « U me fratellu ed eiu emi amparatu à intazzà è à macillà cun elli è in particulari cù u me ziu chì era à a dirizzioni di a splutazioni purcina. »

Di modu spuntaneu, André Poli s’hè vulsutu urientà ver’ di l’agricultura, ma i so studii l’ani purtatu prima ver’di l’amministrazioni mentri chì u fratellu, ellu, s’avviava ver di u duminiu di a vittura. Ma ùn morini cusì i tradizioni famigliali, sopratuttu quandu elli sò missi in ballu in ghjiru à una passioni cumuna ; Dunqua, André hà sceltu di metta in ballu a criazioni, in attività sicundaria, di a so splutazioni purcina è vaccina nantu à l’alturi chì supraneghjani a marina di Tiuccia, ind’u paisucciu di Sant’Andria d’Orcinu. À fiancu à ellu, u so fratellu Pierre-Toussaint chì l’aiuta, suvita a stessa strada, è s’appronta ellu dinò à stallà si com’è agricultori. Cusì, i dui fratelli caminani in l’andatu tracciatu prima da u so babbu è u so ziu, cù una lascita cumuna, a brama di sparta è a nicissità d’un travagliu ben fattu.  

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu