Aghjugna à u vostru librettu di strada

Antoine et Monique VANUCCI

Casgiu picurinu – Agneddu

Accolta : Tutta l’annata nantu à appuntamentu, francu d’istati par via di a muntagnera

I tarritorii : Corsica Livantina

I catigurii : L’addevu, a robba purcina, i casgi

I pruduzzioni agriculi : U casgiu corsu, U Brocciu

#StateInCasa : les producteurs vous livrent !

Zone de livraison

Haute Corse

Produits livrés

Fromage de brebis affiné, Brocciu AOP

Suarella - Route de Tallone
20270 Tallone
  06 22 34 52 07 |   06 22 40 51 27
  antoine.vanucci@orange.fr

I chjassi di u mondu campagnolu erani tracciati pà Antoine, isciutu d’una famiglia d’addivatori. Ma u ghjuvanottu di tandu cerca di scopra d’altri urizonti…

Trè anni bastarani da cunvicia lu chì a so vita hè in Corsica : « Sta scelta hè stata riflittuta di manera seria è s’e aghju vulsutu campà è travaglia in paesi, hè nanzi tuttu pà ritruvà issu gustu di i tradizioni antichi. » ci spiega.

Urighjinariu di u paesi di Mazzola ind’u Boziu, Antoine hà com’è prughjettu d’addivà ci capri è vaccini. È puru si prisenta l’uppurtunità di ripliglià una banda famigliali di pecuri. Antoine ni prufitta è duranti quattru anni porta i so animali à traversu a Balagna sinu à a righjoni di Niolu.

In 1985, cù a so moglia Monique, prufitta d’una nova partenza pà cuncritizà a so brama iniziali. Stalla a so greghja d’uvini è u so casgili in Aleria è manteni in 2014 una tradizioni antica, vechja di quattru ghjinirazioni : a muntagnera di i so 380 pecuri à u stazzu famigliali ind’u Boziu.

« U più duru ind’u mistieru di pastori, sò i 30 primi annati ! » dici Antoine schirzendu. Ma turratu seriu, ammenta cù passioni i tecnichi priziosi, assuciati à a muntagnera, pà riescia un bon furmagliu : invichjatu à nantu à tavuli di legnu, l’insemi ind’una cantina sottutarra. « Com’è l’aghju sempri vista fà ! Ci vò à fighjulà ver’ di l’avvena puntiddendusi nantu à i fundali di u passatu. » Dettu saviu pà stu pastori bramosu di i sapè fà sputichi.
 

‹‹ Ritornu