Aghjugna à u vostru librettu di strada

Pierre BORRAGINI

Charcuterie Muratinca

Accolta : Accolta : principiu d’aprile à a fine d’uttobre / 9o - 19o
U restu di l’annu in vendita diretta

I tarritorii : Nebbiu - Capi Corsu

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Ghjovanu ghjovanu, Pierre Borragini accumpagnava u babbu, Joseph, nantu à a splutazione agricula è fideghjava tutti i gesti precisi di u patriarca.

Quandu ghjunse per ellu l’età di piglià a ritirata meritata, tandu tuccava à Pierre è fù un’evidenza : “Aghju vulsutu pruvà un’antra via prufessiunale ma fà è fà, sta vita pasturale, chì hà fattu a mo zitellina è a mo aduliscenza, à mezu à u mo paese nativu, mi mancava troppu!” si ricorda u pastore nustalgicu.

“È po Babbu m’hà imparatu tuttu. Figurate vi : sessanta anni di spirienza ! Hè impussibule per mè di ùn ascultà i so cunsigli astuti!” È Joseph cura tuttu ! À 78 anni, hè in cariga di a vendita diretta di a pruduzzione in a butteguccia A muratinca charcuterie Borragini.

Oghje, Pierre tene una banda di “porchi nustrali” (quella razza endemica à u nostru territoriu oghje ricunnisciuta) chì correnu in libertà sottu à e lecce è i castagni muratinchi.

Tramanda cusì u sapè fà anticu, trasmessu dapoi trè generazione, incù una forte vulintà di priservà a tradizione di a salameria di u Porcu Nustrale !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu