Aghjugna à u vostru librettu di strada

Ghjuvan Battista BOURDIEC

Salameria AOP

Accolta : L'annata sana, pigliendu un appuntamentu à u telefonu, si ponu urganizà i « spuntini » per i gruppi.

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Quand'ellu riceve nant'à u sugliare di a casa famigliale, induv'ellu ci hè ancu u so attellu di salameria è a so cantina d'affinata, face vede Ghjuvan Battista Bourdiec l'assicuranza di quellu chì cunnosce bè u so affare. « Aghju sempre vulsutu fà da purcaghju. Fendu a mo salameria, sò pussutu accumudà a mo attività prufeziunale è a mo vuluntà di stà à campà in paese ».

Eppuru, ùn ci vole à crede ch'ellu campa chjosu Ghjuvan Battista l'annata sana à U Silvarecciu. Gira u mondu issu passiunatu di viaghji ma ferma a Casinca u so rifugiu, chì ci sò e radiche soie. Oghje, tramanda di fatti Ghjuvan Battista unu di i sapè fà tradiziunali di a gastrunumia corsa è ùn esiteghja micca, avà chì tocca à ellu, à trasmette a so sperienza è u so aiutu à l'allevadori giovani di u rughjone. «  Quì, ùn risentimu micca cuncurrenza trà di noi. S'è no travagliemu bè è ch'è no rispittemu i nostri clienti, ci hè u travagliu per tutti », spieca, sobriu, u purcaghju.

Ch'ellu sia à mezu à i so porchi, inde u so attellu di salameria o in viaghju, impersuneghja propiu Ghjuvan Battista issa leva nova d'allevadori arradicati in u so rughjone è e so tradizione ma girati quantunque ver'di l'altri è aperti nant'à u mondu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu