Aghjugna à u vostru librettu di strada

Jean GIULY

Furmagliu picurinu

Accolta : Da a mità di dicembri à ghjugnu, nantu à appuntamentu 48 ori nanzu / furmagliu frescu è staghjunatu

I tarritorii : Corsica Livantina

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

Route de la mer - Cabanacce
20270 Aleria
  04 95 57 09 87 |   06 11 78 56 82
  jean.giuly@orange.fr

Jean Giuly hà cunnisciutu parechji spirienzi prufissiunali prima di vultà à l’agricultura. Titulariu di un CAP di bancalaru, u ghjuvanottu cambia strada una prima volta è diventa patronu di un caffè risturanti nantu à a Piaghja Urientali. Da u 1964 Jean aiuta u babbu par purtà a racolta d’uva à a cantina cuuperativa d’Aleria. Eppuru, i so primi ricordi l’hà cù l’animali.

« Prima di travaglià a vigna, babbu era pastori…A sapia chì i primi anni aviani da essa difficiuli ma sintia ch’avia trovu a me strada ! »

Li casca l’uppurtunità di gestì i so tarri in pascura : madama Eissen, pruprietaria di u duminiu Château de Pianiccia, li laca quattru ettari dispunevuli in u 1983. Li cantani l’anghjuli à u ghjovanu agricultori ! À u principiu di l’anni 1990 Jean principia a so attività di picuraghju. Ci dici schirzendu : « Mi pari cusì di vultà à u puntu di partenza. Sarà scritta in u nostru ADN ! »

Oghji a banda di stu pruduttori conta 200 pecuri è a fabricazioni artisgianali di casgi s’hè aghjustata à l’attività intensa di a splutazioni.

Par pinsà nantu à a longa strada ch’eddu hà fattu à Jean li piaci à cuddà à cavaddu nantu à u Ritondu, tarra di muntagnera, induva hà purtatu i so bestii mentri diciassetti anni. Mumenti felici « com’è tandu ! » è l’idei di prughjetti novi ùn mancani !

‹‹ Ritornu