Aghjugna à u vostru librettu di strada

Hervé BURESI

Charcuterie BURESI

Salameria AOP

Accolta : l’annata sana.

I tarritorii : Sartinesi Valincu Taravu

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

« Dans le cochon, tout est bon ! » di’ssu mottu, a famiglia Buresi, ne hà fattu propriu un’arte di campà dapoi quattru generazione. Oghje tocca à Hervé à esse à u cumandu di a salameria casana di Cuzzà ma prima, sò stati u babbu è u babbone à avè apertu issa strada dendu si di rimenu da assudà a nomina di a so carne purcina.

« Ind’è noi issa dumanda nimu a si pone, si ampara à campà à mezu à i porci è à fà salameria da giovanu. » incalca cun naturale Hervé Buresi. Hè u nipote Christophe chì, dapoi unipochi di anni, l’aiuta è l’accumpagna à ogni tappa di l’appruntera di a so salameria. Dà a robba da manghjà à i porci, fà li muntagnà o trasfurmà li in prisuttu, coppa, lonzu, figatellu o panzetta, sò faccende ch’elli facenu sempre tramindui, curati da l’ochju attente di a moglie di Hervé, incaricata di a vendita è di a prumuzione di i so prudutti.

« Di sicura si cansanu unipochi di turisti, ma si tratta spessu di clienti di u lucale o di altrò chì venenu regulare da cumprà torna a robba o chì facenu cumande per via di internet. A vendita in linea, oghje, hè un arnese propriu utule è a ghjente chì cunnoscenu i nostri prudutti facenu e so cumande à distanza cù cunfidenza. » spiega a giuvanotta. Tandu face a prova chì un sapè fà anticu si pò tramandà senza ricusà a mudernitai !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu