Aghjugna à u vostru librettu di strada

Jacques MARIANI

Furmagliu caprunu AB - Capretti AB - Brocciu AB/AOP

Accolta : Da ghjinnaghju à a mità di lugliu nantu à appuntamentu
Vendita di capretti pà Pasqua è Natali

I tarritorii : Corsica Livantina

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U Brocciu

Casa 'U Stazzu'
20270 Aghione
  06 15 67 66 71
  fromagerie.mariani@gmail.com

Ci vò à cuntinuà uni pochi di chilomitri sopra à Aghione pà ghjugna ind’è Jacques Mariani, addivatori è furmagliaghju, à nantu à tarri chì supraneghjani tutta a vaddi.

Quandu in 1996  hà fattu a scelta di vultà à campà in paesi, hà principiatu sulamenti cù deci capri. A criazioni di u so casgili hà da suvità in 2006. Oghji, a splutazioni hè stesa nantu à centu vinti ettari è t’hà un bistiami di duicentu capri, capri di razza corsa, chì godini in modu naturali di a machja vicina.

L’animali figliani di vaghjimu è d’inguernu, nascini i capretti è tandu u stazzu hè in allegria… A pruduzzioni di casgi è brocci casani principia dunqua d’inguernu è cuntinueghja sin’à l’istati : casgi di tippu venachese* freschi è staghjunati nantu à tavula da 40 à 70 ghjorni. Un veru diliziu ch’omu pò cumprà da ghjinnaghju à lugliu sopra à locu o à u marcatu di a dumenica.

Jacques Mariani hè un addivatori filici è chì t’hà assai prughjetti ! Com’è quiddu di custruiscia u casgili sopra à locu, pà accoglia megliu i so visitanti.

*Nantu à i cinqui tippi di furmagli corsi, si ricunnusciarà u tippu venachese cù a so crustula di culori rossu-aranciu

‹‹ Ritornu