Aghjugna à u vostru librettu di strada

Isabelle ACHILLI

La Ferme Suartella

Vitellu

Accolta : Tutta l’annata nantu à appuntamentu / tilifunà 24 ori nanzu.
Pranzu à a tinuta agricula da u 1 di maghju à u 30 di sittembri, i luni è i marti : à nantu à riservazioni 24 ori nanzu è à parta da 5 parsoni : 20 euri à testa

I tarritorii : Corsica Livantina

I catigurii : L’addevu, a robba purcina, i casgi, In ghjiru à l’arbureti è l’orti, I toli & stanzi d’ospiti, ustarii agriculi & alloghji campagnoli

I pruduzzioni agriculi : U viteddu di Corsica

Ferme Suartella - Acqua Citosa
20243 Serra di Fiumorbo
  06 70 01 57 41
  ferme.suartella@gmail.com |   www.fermesuartella.fr

Isabelle era avvezza à ghjucà à mezu à l’animali di a minnanna è di u babbu. I vacchi-  addivati solu par a famiglia - pasciani nantu à i tarri di San Gavinu di Fiumorbu. Tandu a zitedda sapia ch’avia da essa pastora. Tuttu si sciogli in u 1993 : Isabelle scontra à Pascal- chì hà da duvintà u so maritu- è pussedi un’impresa agricula. Trè anni dopu cura una banda di cinquanta capri. «Ùn ci hè statu bisognu di rifletta prima di sceglia a robba ! Di sicuru hè stata a capra corsa ! Mi hè sempri piaciuta, cù st’ animali vi piglieti d’affizzioni! »

In u 2001 affaccò di colpu a buccaccia – una malatia virali è micca attaccaticcia chì tutti i ruminanti si poni chjappà. Isabelle vedi scompia a banda di pecuri di u so maritu. « Avia vindutu i me capri in u 1999 par dà capu à Maria Dumenica a me figliola primunata. Ci cunfida chì sta gioia hè stata abbughjata da sta disgrazia. Ci hè vulsutu à abbandunà l’addevu è à cambià mistieri.»

Oghji Isabelle hè sempri d’attaccu è addeva ottanta animali vaccini sempri cù a stessa passioni è ùn smetti di migliurà a so splutazioni « À chì dormi ùn piglia pesci ! com’edda dicia minnanna » Lisa Maria, a so siconda figliola di novi anni saltichjuleghja à i so fianchi. Insemi si ni falani sottu à a Ferme Suartella à fà una visita à a banda di capri di a cugnata d’Isabelle. « Mi ricorda una parsona ch’eu cunnoscu ! » ci dici Isabelle cù un surrisu.
 

‹‹ Ritornu