Aghjugna à u vostru librettu di strada

Maurice et Marcel WHEATCROFT

Gaec Manenti

Furmagliu di pecura è di capra

Accolta : Da nuvembri à lugliu / tutti i ghjorni da 8 ori à meziornu

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U Brocciu

Un’ mancheti issa ghjirata maiò, in bordu di strada dipartimintali, à a partenza d’Aiacciu ver’ di Savone, ghjustu nanzu à a Bocca à San Bastianu. Ci hè una casa chì supraneghja a vaddi salvatica di Pevani è costi è mizanii allinzati sinu à u mari. Semi quì ind’è Mr Manenti. S’hè tinuta a casata, ma a trasmissioni s’hè fatta : Maurice è Marcel Wheatcroft s’accupani oghji di i tarreni è d’un bistiami di duicentu capri è duicentu pecuri di razza corsa. Nantu à issa splutazioni più cà centanninca, pari chì u tempu si sia firmatu : da a mugnera à a mani à a fattura di u brocciu è di i furmagli, quì tuttu hè fattu incù u rispettu di i sapè fà tradiziunali, com’è ni poni tistimunià i paghjoli di ramu è i casgiaghji di ghjuncu. « U nostru scopu hè di cuntinuà à travaglià u megliu pussibuli cù l’avantaghji è l’incunvinienti di u nostru mistieru, di mudernizà si forsi, ma senza perda a nostra identità, ci tocca nanzu à tuttu à cunsirvà u savori è u carattaru di i nostri prudutti. »

L’aveti capita, caprunu o picurinu, truvareti quì un Brocciu viramentu sputicu è gustosu, furmagli savurosi è una tomma rustica è ghjinirosa. A vendita si faci sopra à locu cù un’accuglienza amichevuli.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu