Aghjugna à u vostru librettu di strada

Clément PIANI

U Corsu

Furmagliu caprunu - Brocciu AOP

Accolta : Tutti i ghjorni da ghjinnaghju à a fini di lugliu

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu, Agneddu lattaricciu è caprettu

Route de Casaglione
20151 Sant'Andréa d'Orcino
  04.95.52.25.38 |   06.10.57.71.55
  coco.ucorsu@orange.fr

Dipoi u ritornu à a tarra in l’annati sittanta di Danièle è Pascal Piani, cù una stallazioni à nantu à tarreni à l’abbandonu, senza acqua nè elettricità…a situazioni hà cambiatu in tuttu.

Oghji, u so figliolu Clément hà sappiutu dà torna un pocu di a so dulcezza à a vaddi di a Cinarca. I stesi di tarra è i cuddetti sò intratinuti bè è a casa accuglienti, a truvareti à mezu à i 150 ettari di tarri famigliali è di pascuri. U piazzili hè ghjustu sopra à l’abitazioni è u casgili.

Danièle, a mamma, hè à u casgili. Vi parlarà di l’ultimu filmu da veda com’è di u so amori pà i so 200 capri. D’altrondi quì, ognuna t’hà u so nomi : Agatha, Miss Marple, Daikiri o Papagallu… da mamma in figliola o in figliolu. Una vera storia di famiglia ! È com’è quì nudda ùn hè com’è in altrò, u furmagliu hè in forma d’asta ! In ogni modu, tondu o quatratu, ùn hè tantu a forma di u furmagliu chì faci a so qualità, ma l’unestità è a manera di travaglià lu.

Un’accolta attenti è parsunalizata ci hè risirvata da Danièle chì assicureghja a vendita sopra à locu : Brocciu è furmagli da a fini di ghjinnaghju sin’à a fini di lugliu o a mità d’aostu sicondu i staghjoni, è i capretti nanzu à i festi di Natali.
 

‹‹ Ritornu